МэдээМэдээлэл

Үйлдвэрлэлийн технологийн сургууль

“ТОРГОН ЗАМ” ХУВЦАС ЗАГВАРЫН НААДАМ БОЛЖ ӨНГӨРЛӨӨ

2017.05.01 00:00:00

Үйлдвэрлэлийн технологийн сургуулийн оюутан залуусын уран сэтгэлгээ, бие даасан бүтээлч үйл ажиллагааг хөгжүүлэх, дэмжих, мэргэжлийн дадлага эзэмшүүлэх, мэргэжлийн хичээлүүдийн хоорондын уялдаа холбоог сайжруулах, мэргэжил сурталчлах, таниулах зорилготойгоор “ТОРГОН ЗАМ-2017” наадам “Оюутан цагийн шилдэг бүтээл орчлонд танигдах Монгол брэнд” уриатайгаар ШУТИС-ийн Урлаг зааланд 2017 оны 4-р сарын 28-нд 8 дахь жилдээ зохион байгуулагдлаа. “ТОРГОН ЗАМ-2017” наадмын шүүгчээр “Монгол костюмс” компанийн захирал, доктор Б.Сувд, “Говь” ХК-ийн бүтээгдэхүүн хөгжлийн дарга Б.Болормаа, Арьс ширэн эдлэлийн дизайнер Д.Ариунхүү, Үйлдвэрлэлийн технологийн сургуулийн ахлах багш, хувцасны дизайнер Л.Ишдорж, “Ийгл ньюс” телевизийн стилист, хувцасны дизайнер О.Орхон нар ажилласан юм.

 

Наадамд Үйлдвэрлэлийн технологийн сургуулийн хувцасны дизайн, оёмол бүтээгдэхүүний загвар зохион бүтээлт, арьс ширэн эдлэлийн загвар зохион бүтээлт, оёдлын үйлдвэрлэлийн технологи, нэхмэлийн үйлдвэрлэлийн технологи мэргэжлийн хөтөлбөрөөр суралцагч оюутнууд оролцсон бөгөөд

  1. Ирээдүйн үндэсний бренд загвар
  2. Технологи, зохион бүтээлтийн оновчтой боловсруулалттай загвар
  3. Шилдэг ансамбль /цогц/ загвар
  4. Уран сэтгэмжийн шилдэг загвар
  5. Материалын дизайны шинэлэг шийдэл гэсэн төрлөөр шилдэгүүдээ шалгаруулав.

 

Энэ жилийн “ТОРГОН ЗАМ-2017” наадамд 120 гаруй оюутнуудын 23 коллекци бүхий 160 гаруй бүтээл толилуулав. Мөн тус наадмын хүрээнд Шинжлэх Ухаан Технологийн Их Сургуулийн бүрэлдэхүүн сургуулиудын оюутан залуусын дундаас “ШУТИС-ийн шилдэг оюутан-Загвар өмсөгч”-ийг тодруулсан ба 5 сарын 6-нд Хүннү моллын Их танхимд болох “Урлахуй-2017” наадмын үеэр шилдэг бүтээлүүд болон загвар өмсөгчийн шагнал гардуулах болно.

 

Наадмын зохион байгуулалтын ажилд идэвхтэй оролцож оюутнуудынхаа бүтээлийг удирдан чиглүүлж, зөвлөгөө өгсөн бүх багш нар, үйл ажиллагааны зохион байгуулалтанд оролцсон ажилтан ажиллагсад, шүүгчиддээ сургуулийн захиргаа, оюутан залуусынхаа нэрийн өмнөөс талархлаа илэрхийлж ажлын амжилт хүсье.

21(246) 15(327) 18(287)

13(367) 08(269) 20(250)

ШУТИС-ийн Үйлдвэрлэлийн технологийн сургууль (ҮТС) болон БНСУ-ын “WITH” Төрийн Бус Байгууллага болон Шим Тэжээл Судлалын Төв (ШТСТ) хамтран “Хоолзүйчийн мэргэжил дээшлүүлэх 6 дахь удаагийн эрчимжүүлсэн сургалтыг Nutrition Care Process” сэдвийн хүрээнд 2017 оны 10-р сарын 5-нд зохион байгууллаа. Энэхүү сургалтын зорилго нь олон улсын шим тэжээлийн үйлчилгээний системийн тухай хоолзүйчдэд мэдлэг олгох, мэргэжлээ дээшлүүлэх болон хоорондоо туршлага солилцох юм. Сургалтанд ур...

Их уншсан мэдээ

``БИОТЕХНОЛОГИ-БИДНИЙ АМЬДРАЛД 2016`` оюутны эрдэм шинжилгээний бага хурал амжилттай зохион байгуулагдлаа

2016.03.12

Биотехнологи, микробиологи мэргэжлээр суралцаж буй оюутнуудыг эрдэм шинжилгээ, судалгааны ажилд дадлагажуулах, тэдний бүтээлч сэтгэлгээг хөгжүүлэх, онол, практикийн уялдаа холбоог сайжруулах зорилгоор...

“D ART – ХАВАР - 2016” ӨДӨРЛӨГ АМЖИЛТТАЙ БОЛЛОО

2016.04.03

ҮТС-ийн дизайны салбарын багш нараас эрхлэн гаргадаг “D Art”  сэтгүүлийн редакциас дизайны салбарын оюутнуудад зориулж “D Art хавар -  2016” ...

ХИС-ын 2-р курсын оюутнууд хүнсний үйлдвэрүүдээр аяллаа.

2016.09.23

ХИС-ын 2-р курсын оюутнууд "Тэсо" ХХК, "АПУ" ХК-ний пивоны үйлдвэр, "АПУ" ХК-ийн Сүүний үйлдвэрүүдтэй танилцлаа. Үйлдвэрүүд оюутнуудад амталгаа, бэлэг, үйлдвэрээс зохион байгуулж буй тэмцээний урилга ...