МОНГОЛ УЛСЫН УУЛ УУРХАЙН БУС САЛБАРЫН ЭКСПОРТЫГ ДЭМЖИХ,   МЭДЭЭЛЭЛ ХАРИЛЦААНЫ ТЕХНОЛОГИЙН ХЭРЭГЛЭЭГ НЭМЭГДҮҮЛЭХЭД ЧИГЛЭСЭН ШИНЭ ГАРААНЫ БИЗНЕС ХӨГЖҮҮЛЭХ 

“Startup Weekend Ulaanbaatar Export & ICT”

АРГА ХЭМЖЭЭ

Зорилго:

            Орчин үеийн шинжлэх ухаан, технологи инноваци, мэдээлэл харилцаа холбооны технологийн ололтыг нэвтрүүлэх замаар Монгол улсын уул уурхайн бус арвин баялаг  нөөцийг ашиглан, дотоодын зах зээлийг хангах төдийгүй, экспортод чиглэсэн шинэлэг бүтээгдэхүүн, үйлчилгээг  бий болгох гарааны бизнесийн шилдэг санаа, төслийг шалгаруулж, цаашид тогтвортой бизнес болгон хөгжүүлэхэд  дэмжлэг үзүүлэхэд энэхүү арга хэмжээний зорилго чиглэгдэнэ.

Гол оролцогчид:  Их дээд сургуулийн  80-100 оюутан залуус

Хугацааны тов:

            2017 оны 10 сарын 27-29-ний өдрүүд, Баасан-Бямба- Ням

Байршил:

• “WorkCentral Mongolia coworking space”,(Хүнсний 4-р дэлгүүрээс хойшоо, М. Гандийн нэрэмжит Үйлдвэрлэл урлалын политехникийнколлежийн хойд талд)

Үндсэн зохион байгуулагчид: 

• “Стартап Монголиа” ТББ
• Дэлхий банк,Экспортыг дэмжих төсөл
• ШУТИС

Хамтран зохион байгуулагчид: 

• WorkCentral Mongolia coworking space
• “CoIn” Agency
• “Techstars” компани
• ШУТИС-ийн ЖДҮ-ийн судалгаа сургалтын төв

ЭКСПОРТЫГ ДЭМЖИХ ТӨСЛИЙН ТУХАЙ:

Монгол улсын Засгийн газраас Дэлхийн банктай хамтран хэрэгжүүлж байгаа Экспортыг дэмжих төсөл 2016 оны 12 дугаар сараас хэрэгжиж байгаа бөгөөд  төслийн зорилго нь уул уурхайн бус салбарын жижиг, дунд үйлдвэр эрхлэгчдийн экспортын чадавхыг бэхжүүлэх болон экспортын зах зээлд нэвтрэх боломжийг өргөжүүлэхэд чиглэгдэж байна.

Төсөл нь 1) Экспортын шинэ төрлийн санхүүгийн бүтээгдэхүүн хөгжүүлэх, 2) Экспортын өрсөлдөөнийг дэмжих, 3) Төслийн хэрэгжилтэд дэмжлэг үзүүлэх гэсэн 3 үндсэн бүрэлдхүүн хэсгийн хүрээнд үйл ажиллагаагаа явуулж байна.

Экспортын өрсөлдөөнийг дэмжих 2 дугаар бүрэлдэхүүн хэсгийн хүрээнд экспортлогч болон экспортлогч болохоор зорьж буй аж ахуйн нэгжүүдийг гадаад худалдааны чиглэлээр сургалтад хамруулж тэдний чадавхыг бэхжүүлэх, экспортын бүтээгдэхүүний инновацийн санааг дэмжих уралдаан, тэмцээнийг их, дээд сургуулийн оюутнуудын дунд зохиох, экспортын ментор бэлтгэх, ажилтан солилцооны хөтөлбөр хэрэгжүүлэх зэрэг үйл ажиллагаануудыг төлөвлөн хэрэгжүүлж байна.  Иймд энэ удаагийн “Startup Weekend Ulaanbaatar Export & ICT” арга хэмжээний хамтран зохион байгуулагчаар оролцож байна.

Арга хэмжээнээс хүлээгдэж буй үр дүн:

• Оролцогчид бизнес санаагаа бодитой болгох хөгжүүлэх, хөрөнгө оруулагч олох;
• Бизнесийн туршлагатай зөвлөх, менторуудаас зөвлөгөө авах;
• Өөр хоорондоо мэдлэг, туршлагаа хуваалцах, солилцож,бие биенээсээхарилцансуралцах;
• Түншлэлийн хүрээгээ өргөжүүлэх зэрэг өргөнболомж олгоно.

Уг арга хэмжээнд ШУТИС-ийн оюутнууд үнэ төлбөргүй хамрагдах юм.

МЭДЭЭЛЭЛ