МэдээМэдээлэл

Үйлдвэрлэлийн технологийн сургууль

ШУТИС-д нийгмийн ажлын мэргэжилтэн бэлтгэж эхэлсний 20 жилийн хаалтын баярын хурал боллоо

2017.11.09 00:00:00

Монгол улсын нийгмийн ажлын шинжлэх ухааны хөгжлийн 20 жил, ШУТИС-д нийгмийн ажлын мэргэжилтэн бэлтгэж эхэлсний 20 жилийн хаалтын баярын хурал нь салбарын ололт, амжилтыг сурталчлах, түгээн дэлгэрүүлэх, харилцан туршлага солилцох, байгууллага, олон нийтийн хамтын ажиллагааг хөгжүүлэх, багш, оюутан, төгсөгч, нийгмийн ажилтнуудын хөдөлмөр бүтээл, алдар гавьяаг алдаршуулах зорилгоор зохион байгуулагдсан.

Тус ойн арга хэмжээний хүрээнд

  1. нийгмийн ажлын хөгжлийн үр дүнг нэгтгэх, салбар дундын уялдаа холбоог хангах, мэргэжлийн хамтын ажиллагаа, олон улсын туршлагаас суралцах, цаашдын хөгжлийн чиг хандлагыг тодорхойлох зорилгоор “НИЙГМИЙН АЖИЛ- НИЙГМИЙН САЙН САЙХАН БАЙДАЛ” олон улсын эрдэм шинжилгээний хурал
  2. Төгсөгчдийн хамтын ажиллагааг бэхжүүлэх зорилгоор Спортын 4 төрөлт тэмцээн
  3. “Нийгмийн ажил мэргэжлийн түүхэн замнал 20” түүхийн ном бичих зэрэг зорилтот үйл ажиллагаа зохион байгуулах ажлыг ШУТИС-ийн Бизнесийн удирдлага, Хүмүүнлэгийн сургуулийн Нийгмийн ухааны салбарын Нийгмийн ажлын хөтөлбөрийн профессор багш нар чармайн ажилласан.

Энэхүү баярын хуралд ШУТИС-ийн хамтын ажиллагаа, эрдэм шинжилгээ эрхэлсэн дэд захирал Т.Намнан, БУХС-ийн захирал доктор, дэд профессор А.Энхбат,  салбарын эрхлэгч, эрдэмтэн нарийн бичгийн дарга,  нийгмийн ажлын хөтөлбөрийн багш, оюутнууд, 2001-2017 онуудын 17 төгсөлтийн төгсөгч нар хүрэлцэн ирсэн. Мөн үүний зэрэгцээ ХНХЯ, БСШУСЯ, ХХҮЕГазар, МУБИС, МУИС, АШУИС, Идэр ДС, Хөдөлмөрийн харилцааны ДС, “Хүүхдийг ивээх сан” (Япон), “Дэлхийн зөн” ОУБ, “Каритас Чех” ОУБ, “Good Neighbors Монгол” ОУБ, Сонгдо групп,  ДАМОСТ, “Гүнж” төв, “Хөөрхөн зүрхнүүдийн аян”, Нийгмийн ажлын багш, сургагчдын холбоо, Сургуулийн нийгмийн ажилтны нийгэмлэг, “Түгээмэл хөгжил” ТТБ зэрэг хамтран ажилладаг төрийн ба төрийн бус, олон улсын байгууллагын төлөөллүүд хүрэлцэн ирсэн байна.

 

Тус сургуулиас нийгмийн ажилтан мэргэжлийн бакалавр 657, магистр 120, докторант оюутан 30 төгсөж, нийгэм, хүмүүнлэгийн салбарын зах зээл дээр нэр хүндтэй ажиллаж хөдөлмөрлөж байна. “Нийгмийн ажил” мэргэжлээр бакалаврын зэрэг олгох сургалтын хөтөлбөрийг 5 жилийн хугацаатай магадлан итгэмжлүүлсэн ололт амжилтаа бататган, цаашид олон улсын түвшинд магадлан итгэмжлүүлэх зорилготойгоор ажиллаж байна.

Нийгмийн ажлын мэргэжилтэн бэлтгэх их үйлсийн үндсийг тарьж, сургалтын хөтөлбөрийг сайжруулахад өөрийн мэдлэг, чадвараа дайчлан ажиллаж байгаа, үе үеийн багш нар болон төгсөгчдийн бахархал болсон доктор, профессор А.Энхбаатар, доктор, профессор Т.Амаржаргал, доктор, профессор Н.Галиймаа, доктор, дэд профессор Б.Даваажав, доктор, дэд профессор Д.Ганболд, ахмад багш С.Биндэръяа, доктор, дэд профессор Д.Сэрдарам нартаа хүндэтгэл үзүүлэв.

Нийгмийн ажлын шинжлэх ухааны талаар өргөн мэдлэгтэй, орчин үеийн нийгмийн ажлын үйлчилгээний арга зүйн мэдлэгээ практикт хэрэглэх чадвартай, нийгмийн өөрчлөлт, шинэчлэлтэд өөрийн мэргэжлийн ур чадвараа байнга дээшлүүлж байдаг, хувь хүн, бүлэг, олон нийттэй  ажиллах арга барилыг эзэмшсэн, нийгмийн судалгаа хийх чадвартай, харилцааны өндөр соёлтой, нийгмийн ажлын ёс зүйг эрхэмлэдэг мэргэжилтэн бэлтгэх их үйлсэд нь өндөр амжилт хүсэн ерөөе!

ШУТИС-ийн Үйлдвэрлэлийн технологийн сургууль (ҮТС) болон БНСУ-ын “WITH” Төрийн Бус Байгууллага болон Шим Тэжээл Судлалын Төв (ШТСТ) хамтран “Хоолзүйчийн мэргэжил дээшлүүлэх 6 дахь удаагийн эрчимжүүлсэн сургалтыг Nutrition Care Process” сэдвийн хүрээнд 2017 оны 10-р сарын 5-нд зохион байгууллаа. Энэхүү сургалтын зорилго нь олон улсын шим тэжээлийн үйлчилгээний системийн тухай хоолзүйчдэд мэдлэг олгох, мэргэжлээ дээшлүүлэх болон хоорондоо туршлага солилцох юм. Сургалтанд ур...

Их уншсан мэдээ

``БИОТЕХНОЛОГИ-БИДНИЙ АМЬДРАЛД 2016`` оюутны эрдэм шинжилгээний бага хурал амжилттай зохион байгуулагдлаа

2016.03.12

Биотехнологи, микробиологи мэргэжлээр суралцаж буй оюутнуудыг эрдэм шинжилгээ, судалгааны ажилд дадлагажуулах, тэдний бүтээлч сэтгэлгээг хөгжүүлэх, онол, практикийн уялдаа холбоог сайжруулах зорилгоор...

“D ART – ХАВАР - 2016” ӨДӨРЛӨГ АМЖИЛТТАЙ БОЛЛОО

2016.04.03

ҮТС-ийн дизайны салбарын багш нараас эрхлэн гаргадаг “D Art”  сэтгүүлийн редакциас дизайны салбарын оюутнуудад зориулж “D Art хавар -  2016” ...

ХИС-ын 2-р курсын оюутнууд хүнсний үйлдвэрүүдээр аяллаа.

2016.09.23

ХИС-ын 2-р курсын оюутнууд "Тэсо" ХХК, "АПУ" ХК-ний пивоны үйлдвэр, "АПУ" ХК-ийн Сүүний үйлдвэрүүдтэй танилцлаа. Үйлдвэрүүд оюутнуудад амталгаа, бэлэг, үйлдвэрээс зохион байгуулж буй тэмцээний урилга ...