МэдээМэдээлэл

Үйлдвэрлэлийн технологийн сургууль

“Цэцэрлэгийн хоол үйлдвэрлэлийн цахим систем” сэдэвт удирдах болон үйлчилгээний ажилтнуудыг чадавхжуулах семинар

2020.10.28 00:00:00

Шим тэжээл судлалын төвөөс хэрэгжүүлж буй “Улаанбаатар хотын цэцэрлэгийн хүүхдийн хоол, шим тэжээл-хоол үйлдвэрлэл, үйлчилгээний менежментийг сайжруулах” төсөл 2018-2020-ийн хүрээнд төрийн өмчийн цэцэрлэгийн эрхлэгч, тогооч, нярвуудад хоол үйлдвэрлэлийн менежментийг сайжруулах чиглэлээр “Цэцэрлэгийн хоол үйлдвэрлэлийн цахим систем” сэдэвт сургалт семинарыг КОЙКА ОУБ-н санхүүжилттэйгээр БШУЯ, Нийслэлийн Боловсролын газар, “WITH” ТББ -тай хамтран амжилттай зохион байгууллаа. Сургалт 2020 оны 10-р сарын 22, 23-ны өдрүүдэд Нийслэлийн боловсролын газрын хурлын танхимд явагдсан ба нийт 231 цэцэрлэгийн эрхлэгч болон 512 тогооч, нярав хамрагдлаа.

  

Сургалт семинарын хүрээнд цэцэрлэгийн хоол үйлдвэрлэл, шим тэжээлийн цахим системийг Ц.Зууннаст танилцуулж, хэлэлцүүлэг өрнүүлэв. Мөн Боловсрол, шинжлэх ухааны яамны суралцагчдын хоол үйлдвэрлэлийн хэлтсийн мэргэжилтэн Д.Цэндсүрэн “Хоолны газарт тавигдах шаардлагууд”, төвийн судлаач С.Баянжаргал “Пробиотик ба пребиотикийн хүүхдийн хоолонд ашиглах боломж” сэдвээр сургалт явуулсан. Цаашид сургалт семинарт оролцогчдоос гарсан санал хүсэлтийг  цэцэрлэгийн хоол үйлдвэрлэлийн цахим системд хөгжүүлэлт хийх замаар оруулахаар болов. Мөн оролцогчдын зүгээс цэцэрлэгт мэргэжлийн хоолзүйч шаардлагатай байгааг илэрхийлж, чанартай тоног төхөөрөмж худалдан авах, мөрдөгдөж байгаа дүрэм журмыг нэгтгэж өгөх зэрэг саналуудыг гаргаж, мэргэжилтнүүдтэй зөвлөлдлөө.

Тус цахим системийг цэцэрлэгийн тогооч, нярвууд өдөр тутмын ажилдаа дагаж мөрдөх чиглэлээр БШУЯ болон Нийслэлийн боловсролын газар хамтран ажиллаж байгаа болно.

ШИМ ТЭЖЭЭЛ СУДЛАЛЫН ТӨВ

ШУТИС-ийн Үйлдвэрлэлийн технологийн сургууль (ҮТС) болон БНСУ-ын “WITH” Төрийн Бус Байгууллага болон Шим Тэжээл Судлалын Төв (ШТСТ) хамтран “Хоолзүйчийн мэргэжил дээшлүүлэх 6 дахь удаагийн эрчимжүүлсэн сургалтыг Nutrition Care Process” сэдвийн хүрээнд 2017 оны 10-р сарын 5-нд зохион байгууллаа. Энэхүү сургалтын зорилго нь олон улсын шим тэжээлийн үйлчилгээний системийн тухай хоолзүйчдэд мэдлэг олгох, мэргэжлээ дээшлүүлэх болон хоорондоо туршлага солилцох юм. Сургалтанд ур...

Их уншсан мэдээ

``БИОТЕХНОЛОГИ-БИДНИЙ АМЬДРАЛД 2016`` оюутны эрдэм шинжилгээний бага хурал амжилттай зохион байгуулагдлаа

2016.03.12

Биотехнологи, микробиологи мэргэжлээр суралцаж буй оюутнуудыг эрдэм шинжилгээ, судалгааны ажилд дадлагажуулах, тэдний бүтээлч сэтгэлгээг хөгжүүлэх, онол, практикийн уялдаа холбоог сайжруулах зорилгоор...

“D ART – ХАВАР - 2016” ӨДӨРЛӨГ АМЖИЛТТАЙ БОЛЛОО

2016.04.03

ҮТС-ийн дизайны салбарын багш нараас эрхлэн гаргадаг “D Art”  сэтгүүлийн редакциас дизайны салбарын оюутнуудад зориулж “D Art хавар -  2016” ...

ХИС-ын 2-р курсын оюутнууд хүнсний үйлдвэрүүдээр аяллаа.

2016.09.23

ХИС-ын 2-р курсын оюутнууд "Тэсо" ХХК, "АПУ" ХК-ний пивоны үйлдвэр, "АПУ" ХК-ийн Сүүний үйлдвэрүүдтэй танилцлаа. Үйлдвэрүүд оюутнуудад амталгаа, бэлэг, үйлдвэрээс зохион байгуулж буй тэмцээний урилга ...