МэдээМэдээлэл

Үйлдвэрлэлийн технологийн сургууль

“ХҮНСНИЙ ЧАНАР, АЮУЛГҮЙ БАЙДЛЫН МЭРГЭЖИЛТЭН БЭЛТГЭХ АСУУДАЛ” хэлэлцүүлэг амжилттай зохион байгуулагдлаа

2016.12.02 00:00:00

ШУТИС-ийн Үйлдвэрлэлийн Технологийн Сургуулиас бэлтгэдэг Хүнсний чанар, аюулгүй байдлын мэргэжилтний чадвар, чадамжийг сайжруулах; Дээд боловсролын шинэчлэлтэй холбогдуулан Олон улсын стандартад нийцсэн мэргэжилтэн бэлтгэх асуудалд Мэргэжлийн хяналтын байгууллагын болон Хүнсний үйлдвэрийн ажилтнуудын санал, зөвлөмжийг тусгах зорилгоор тус хэлэлцүүлгийг зохион байгуулав.

            Хэлэлцүүлгийг нээж ШУТИС-ийн ҮТС-ийн захирал Ж.Туяацэцэг, Сургалтын бодлого, чанарын албаны дарга Д.Ганхуяг нар үг хэллээ. ҮТС-ийн Биотехнологи, шим тэжээлийн салбарын профессор, доктор (Sc.D) Б.Энхтуяа “Хүнсний чанар, аюулгүй байдлын чиглэлээр ажиллах мэргэжилтний сургалтын байдал” сэдэвт илтгэл тавив.

            Хэлэлцүүлэгт Мэргэжлийн Хяналтын Ерөнхий Газар, Нийслэлийн Мэргэжлийн Хяналтын газрын улсын байцаагчид; Эрүүл мэндийн яам, Нийгмийн эрүүл мэндийн хүрээлэн, Нийслэлийн боловсролын газар, Стандартчилал хэмжил зүйн үндэсний төвийн мэргэжилтнүүд, “Өгөөж Чихэр Боов” ХХК, “ХАТАН СҮЙХ” ХХК, “ТЭСО” ХХК, “СҮҮ” ХХК, “МАХ МАРКЕТ” ХХК зэрэг томоохон үйлдвэр, аж ахуйн газруудын “Бүтээгдэхүүний чанар, аюулгүй байдал” хариуцсан мэргэжилтнүүд  нийт 30 гаруй ажил олгогчид болон ҮТС-ийн профессор, багш нарын төлөөлөл, энэ мэргэжлээр төгсөгчид, одоо суралцаж буй оюутнууд идэвхитэй оролцож, хөтөлбөрийн өнөөгийн байдал, цаашид чадварлаг мэргэжилтэн бэлтгэх асуудалд хэрхэн хамтран ажиллах талаар санал бодлоо солилцлоо. 

            Хэлэлцүүлэгт оролцогсод ҮТС-ийн Хүнсний салбарын багш нарын бүтээлүүдтэй танилцав.

 

Үйлдвэрлэлийн технологийн сургууль

ШУТИС-ийн Үйлдвэрлэлийн технологийн сургууль (ҮТС) болон БНСУ-ын “WITH” Төрийн Бус Байгууллага болон Шим Тэжээл Судлалын Төв (ШТСТ) хамтран “Хоолзүйчийн мэргэжил дээшлүүлэх 6 дахь удаагийн эрчимжүүлсэн сургалтыг Nutrition Care Process” сэдвийн хүрээнд 2017 оны 10-р сарын 5-нд зохион байгууллаа. Энэхүү сургалтын зорилго нь олон улсын шим тэжээлийн үйлчилгээний системийн тухай хоолзүйчдэд мэдлэг олгох, мэргэжлээ дээшлүүлэх болон хоорондоо туршлага солилцох юм. Сургалтанд ур...

Их уншсан мэдээ

``БИОТЕХНОЛОГИ-БИДНИЙ АМЬДРАЛД 2016`` оюутны эрдэм шинжилгээний бага хурал амжилттай зохион байгуулагдлаа

2016.03.12

Биотехнологи, микробиологи мэргэжлээр суралцаж буй оюутнуудыг эрдэм шинжилгээ, судалгааны ажилд дадлагажуулах, тэдний бүтээлч сэтгэлгээг хөгжүүлэх, онол, практикийн уялдаа холбоог сайжруулах зорилгоор...

ХИС-ын 2-р курсын оюутнууд хүнсний үйлдвэрүүдээр аяллаа.

2016.09.23

ХИС-ын 2-р курсын оюутнууд "Тэсо" ХХК, "АПУ" ХК-ний пивоны үйлдвэр, "АПУ" ХК-ийн Сүүний үйлдвэрүүдтэй танилцлаа. Үйлдвэрүүд оюутнуудад амталгаа, бэлэг, үйлдвэрээс зохион байгуулж буй тэмцээний урилга ...