МэдээМэдээлэл

Үйлдвэрлэлийн технологийн сургууль

КОВИД-19 ҮЕИЙН ХООЛ ҮЙЛДВЭРЛЭЛ ҮЙЛЧИЛГЭЭНИЙ МЕНЕЖМЕНТ ОНЛАЙН СУРГАЛТ ЯВАГДЛАА

2021.11.04 14:26:38

Ковид-19 цар тахалтай улмаас нийгмийн амьдралд олон өөрчлөлтүүд гарч байгаа билээ. Хувь хүний эрүүл ахуйн хамгаалалт, хоорондын зай барих, тогтмол гар угааж, ариутгах, маск зүүх зэрэг нь халдвар тараахгүй байх, хамгаалах үндсэн арга болж байна. Нийтийн хоолны салбар тэр дундаа халдвар тарах өндөр эрсдэлтэй цэцэрлэг, сургууль, эмнэлгийн хоол үйлдвэрлэл, үйлчилгээний ажилд томоохон сорилт болж байна. ШУТИС-ийн ҮТС-ийн харъя Шим тэжээл судлалын төв БНСУ-ын WITH төрийн бус байгууллагатай хамтран өндөр хөгжилтэй орнуудын туршлагаас шууд суралцах онлайн сургалтыг 2021 оны 10 сарын 29, 30 өдөр зохион байгууллаа.Сургалтын эхний өдөр “Ковид19-ийн үеийн цэцэрлэг, сургуулийн хоол үйлдвэрлэлийн менежмент” хичээлийг БНСУ-ын Сөүл Сонгсан бага сургуулийн хоол зүйч Чой Сүгхий багш БНСУ-д хадварын эсрэг авч хэрэгжүүлж буй арга хэмжээ, менежментийн талаар танилцууллаа. ҮТС-ын захирал Ж.Туяацэцэг болон WITH ТББ-ийн захирал Гуаг Миран нар сургалтыг нээж үг хэллээ. Уг хичээлд Улаанбаатар болон орон нутгийн цэцэрлэг, сургуулийн нийт 140 гаруй хоол зүйч, тогооч бусад мэргэжилтнүүд хамрагдаж онлайн гэрчилгээ авсан байна.Сургалтын хоёр дахь өдөр “Ковид-19 үеийн эмнэлгийн хоол үйлдвэрлэлийн менежмент” хичээлийг БНСУ-ын Ажу Их сургуулийн эмнэлгийн хоол үйлдвэрлэлийн газрын дарга, хоолзүйч Лий Хэгён зочин багшаар уригдан заасан байна. Эмнэлэгт халдвар авсан болон аваагүй өвчтөний хоол үйлчилгээ, шим тэжээлээр хангах эмчилгээ болон бусад хэсгүүдэд авч буй арга хэмжээний талаар маш сонирхолтой хичээл явууллаа. Сургалтад нийт 50 гаруй эмнэлгийн хоол зүйч, тогооч, эрүүл мэндийн байгууллагын мэргэжилтнүүд хамрагдаж онлайн гэрчилгээ авлаа.  Онлайн сургалтын давуу тал нь сургалтад оролцогчид багш нартайгаа шууд харилцан ярилцаж сонирхсон асуултаа асууж, өөрийн нүдээр очоод харсан мэт зураг болон бичлэгээр үзэж байгаа нь гадаадын улс оронд очих боломж хязгаарлагдмал мэргэжилтнүүдэд чухал ач холбогдолтой сургалт боллоо хэмээн дүгнэж байна. Бидэнд энэ төрлийн сургалт явуулах олон хүсэлтүүд ирсэн бөгөөд дараа дараагийн ажилдаа тусган ажиллах болно.

ШУТИС, ҮТС-ын харъяа ШТСТ

ШУТИС-ийн Үйлдвэрлэлийн технологийн сургууль (ҮТС) болон БНСУ-ын “WITH” Төрийн Бус Байгууллага болон Шим Тэжээл Судлалын Төв (ШТСТ) хамтран “Хоолзүйчийн мэргэжил дээшлүүлэх 6 дахь удаагийн эрчимжүүлсэн сургалтыг Nutrition Care Process” сэдвийн хүрээнд 2017 оны 10-р сарын 5-нд зохион байгууллаа. Энэхүү сургалтын зорилго нь олон улсын шим тэжээлийн үйлчилгээний системийн тухай хоолзүйчдэд мэдлэг олгох, мэргэжлээ дээшлүүлэх болон хоорондоо туршлага солилцох юм. Сургалтанд ур...

Их уншсан мэдээ

``БИОТЕХНОЛОГИ-БИДНИЙ АМЬДРАЛД 2016`` оюутны эрдэм шинжилгээний бага хурал амжилттай зохион байгуулагдлаа

2016.03.12

Биотехнологи, микробиологи мэргэжлээр суралцаж буй оюутнуудыг эрдэм шинжилгээ, судалгааны ажилд дадлагажуулах, тэдний бүтээлч сэтгэлгээг хөгжүүлэх, онол, практикийн уялдаа холбоог сайжруулах зорилгоор...

“D ART – ХАВАР - 2016” ӨДӨРЛӨГ АМЖИЛТТАЙ БОЛЛОО

2016.04.03

ҮТС-ийн дизайны салбарын багш нараас эрхлэн гаргадаг “D Art”  сэтгүүлийн редакциас дизайны салбарын оюутнуудад зориулж “D Art хавар -  2016” ...

ХИС-ын 2-р курсын оюутнууд хүнсний үйлдвэрүүдээр аяллаа.

2016.09.23

ХИС-ын 2-р курсын оюутнууд "Тэсо" ХХК, "АПУ" ХК-ний пивоны үйлдвэр, "АПУ" ХК-ийн Сүүний үйлдвэрүүдтэй танилцлаа. Үйлдвэрүүд оюутнуудад амталгаа, бэлэг, үйлдвэрээс зохион байгуулж буй тэмцээний урилга ...