Хөнгөн үйлдвэрийн технологи, инженерчлэлийн салбарын уламжлалт шилжин явах цомын төлөөх 6 төрөлт спортын өдөрлөг 11 сарын 27-ны өдөр “Laser” спорт цогцолборт амжилттай болж өнгөрлөө. Тус тэмцээнд:

• ХҮТИС-ийн эрэгтэй, эмэгтэй багш нарын баг
• Нэхмэлийн үйлдвэрлэлийн технологи хөтөлбөрийн оюутнуудын I, II баг
• Хувцас үйлдвэрлэлийн технологи, загвар зохион бүтээлт хөтөлбөрийн оюутнуудын I, II баг
• Хөнгөн үйлдвэрийн механик инженер хөтөлбөрийн оюутнуудын баг
• Хэвлэлийн үйлдвэрлэлийн технологи хөтөлбөрийн оюутнуудын багийн гээд нийт 80 гаруй тамирчид тус өдөрлөгт оролцон өрсөлдөн авъяас чадвараа сорилоо.
• 
• 
• 

Багш, оюутнууд хамтдаа амралтын нэг өдрийг зугаатай, тэмцэлтэй сайхан өнгөрөөж, хоорондоо шударгаар өрсөлдлөө. Манай салбарын багш нар дараах төрлүүдэд амжилт гарган медалийн эзэд боллоо.

• Гар бөмбөгийн эрэгтэй төрөлд III байр
• Сагсан бөмбөгийн эрэгтэй төрөлд III байр
• Сагсан бөмбөгийн эмэгтэй төрөлд II байр
• Дартс тэмцээнд II байр Р. Бадмаанямбуу
• Ширээний теннис тэмцээнд эрэгтэй I байр Р. Бадмаанямбуу
• Ширээний теннис тэмцээнд эрэгтэй II байр Б. Оюун-Эрдэнэ, III байр ЭША Э. Тогтохбаяр
• Шатар тэмцээнд II байр Д. Батбаяр нар тус тус эзэллээ.

Багийн дүнгээр Хувцас үйлдвэрлэлийн технологи, загвар зохион бүтээлт хөтөлбөрийн оюутнууд тэргүүлж, шилжин явах цомын эзэн болсон.

 Энэ жилийн спортын өдөрлөгийн заалын түрээсийг “Дархан арьс ширний цогцолбор” ивээн тэтгэн зохион байгууллаа. Нээлтэнд хүрэлцэн ирсэн “Дархан арьс ширний цогцолбор”ын гүйцэтгэх захирал Д. Энхбаяр шинээр байгуулагдаж буй арьс шир, ноос ноолуурын үйлдвэрүүдээ ИТА, хүний нөөцөөр хангах чиглэлд Үйлдвэрлэлийн технологийн сургуультай нягт хамтран ажиллахаа илэрхийлээ.