МэдээМэдээлэл

Үйлдвэрлэлийн технологийн сургууль

Монгол-Японы хөрөнгө оруулалттай Шима Сейки сургалтын төв нээгдэв

2016.09.07 00:00:00

Японы Шима Сейки фирм Монгол Улсын үйлдвэрүүдтэй ажилласан туршлагаа үндэслэн “Shima Seiki тraining center” сургалтын Ази дахь төвийг ШУТИС-ийн Үйлдвэрийн технологийн сургуульд байгуулж байна. Нээлтийн ажиллагаанд Шима Сейки компанийн Ерөнхийлөгч Масахиро Шима, ШУТИС-ийн Ректор Б.Очирбат, ҮТС-ийн захирал Ж.Туяацэцэг болон бусад албаны хүмүүс оролцлоо.

Өнөөдөр манай улсын ноос, ноолуур боловсруулах салбарын 60 гаруй үйлдвэрт уг фирмийн 500 орчим сүлжмэлийн автомат машин ажиллаж байна. ШУТИС-ийн инженерийн боловсролын шинэчлэлд дэлхийд тэргүүлдэг фирмийн програм хангамж сүлжмэлийн автомат машин бүхий сургалтын төвийг байгуулж байна. Төвийн зорилго бол Шима Сейки фирмийн тоног төхөөрөмжийн технологийн боломжийг бүрэн хүчин чадлаар нь ашиглах чадвар эзэмшсэн чадварлаг мэргэшиж дадлагажсан боловсон хүчин бэлтгэхэд оршино. Ингэснээр Монголын ноолууран бүтээгдэхүүний үйлдвэрлэл, дизайн дэлхийн чиг хандлагад нийцэх болно. Сургалтын төв нь SIR-112 SV 12G, SSR -112 SV 12G  маркийн 2 сүлжих автомат 2 машинтай. Тус бүр нь 38 сая төгрөгийн үнэтэй SDS-ONE APEX3-3 маркийн 14 дизайн системтэй ажээ. Үйлдвэрүүдийн хэрэгцээ шаардлагад нийцсэн мэргэжилтэн бэлтгэх зорилгоор хичээлийн хөтөлбөрт өөрчлөлт оруулан Шима Сейки фирмийн сүлжмэлийн автомат машины програмд суурилсан хичээл түлхүү оруулахаар сургалтын төлөвлөгөө баталжээ. Түүнчлэн үйлдвэрүүдийн захиалгат сургалтыг явуулах боломжтой аж. Нээлтийн ажиллагааны үеэр Шима Сейки компанийн Ерөнхийлөгч Масахиро Шимад ШУТИС-ийн Ректорын нэрэмжит шагналыг гардуулан өглөө.

 

ШУТИС-ийн Үйлдвэрлэлийн технологийн сургууль (ҮТС) болон БНСУ-ын “WITH” Төрийн Бус Байгууллага болон Шим Тэжээл Судлалын Төв (ШТСТ) хамтран “Хоолзүйчийн мэргэжил дээшлүүлэх 6 дахь удаагийн эрчимжүүлсэн сургалтыг Nutrition Care Process” сэдвийн хүрээнд 2017 оны 10-р сарын 5-нд зохион байгууллаа. Энэхүү сургалтын зорилго нь олон улсын шим тэжээлийн үйлчилгээний системийн тухай хоолзүйчдэд мэдлэг олгох, мэргэжлээ дээшлүүлэх болон хоорондоо туршлага солилцох юм. Сургалтанд ур...

Их уншсан мэдээ

``БИОТЕХНОЛОГИ-БИДНИЙ АМЬДРАЛД 2016`` оюутны эрдэм шинжилгээний бага хурал амжилттай зохион байгуулагдлаа

2016.03.12

Биотехнологи, микробиологи мэргэжлээр суралцаж буй оюутнуудыг эрдэм шинжилгээ, судалгааны ажилд дадлагажуулах, тэдний бүтээлч сэтгэлгээг хөгжүүлэх, онол, практикийн уялдаа холбоог сайжруулах зорилгоор...

ХИС-ын 2-р курсын оюутнууд хүнсний үйлдвэрүүдээр аяллаа.

2016.09.23

ХИС-ын 2-р курсын оюутнууд "Тэсо" ХХК, "АПУ" ХК-ний пивоны үйлдвэр, "АПУ" ХК-ийн Сүүний үйлдвэрүүдтэй танилцлаа. Үйлдвэрүүд оюутнуудад амталгаа, бэлэг, үйлдвэрээс зохион байгуулж буй тэмцээний урилга ...